خال العيال د هاني عصام

ليه مبنكتبش مضاد حيوي و مش هكتب الا بعد تحاليل و عند اللزوم لان المنظر دا للوز طفل ٤ سنين ( الصوره من النت ) دي عدوي فيروسيه CMV-EBV- HERPS - ADENO ... بتحصل في ٨٥ ٪ من الاطفال و علاجها مضادات الفيروسات من ٧ ل١٤ ل ٢١ يوم حسب الحاله و تكرارها مش معني ان طفلك جه و تعبان و كتبت لحضرتك الدوا.... مفيهوش مضاد و مجرد خافض الحراره و مسكن و بخاخ مخدر موضعي  و شرحت لحضرتك ان السخونيه بتستمر من ٣ ل ٥ ل ٧ ايام و دا علاجها .....سوايل و اكل منهم زبادي و جيلاتي كمان و خوافض و مضاد فيروسي او مقوي مناعه و فيتامين سي و في دروب تروح لحد ابن حلال ... يكتبلك روشته وش و ضهر ... ارضي غرورك ... و طفلك خف في نفس ال٥ ايام اللي قولت لحضرتك عليهم .... ترجع تقول اني كتبت دوا غلط و كنت هموت طفلك بعلاج غلط ...... لا .... روح عند الدكتور اللي حضرتك ترتاح عنده.. لكن متسمحش لنفسك ولا للدكتور ان تغلطو في حد .... اعمل تحاليلك و اطمن .... بكرر دا مش التهاب لوز بكتيري ... ابدا...... مش مصدقني ... اعمل في اقرب معمل ليك ... صوره دم و هتلاقي خلايا الدم البيضا و الليمفاويه عاليه.... و اعمل مسحه حلق و مزرعه و حساسيه ..